دید خبری اژانس وایی له چین څخه راپورونه وایی چې د دغه هیواد له انلاین ډیجیټل نقشې څخه د اسرائیلو د رژیم نوم حذف شوی دی.
د وال سټریټ ژورنال په وینا، اوس مهال په چین کې آنلاین نقشې د اردن، مصر او ګاونډیو هېوادونو نومونه ښيي، خو په دې نقشه کې د اسراییلو نوم نه لیدل کېږي.
په Baidu کې ډیجیټل نقشې هم د اسراییلو او نورو سیمو تر مینځ حد ښیي، مګر دا نه تعریفوي.
تر اوسه د چین له خوا د دغه اقدام علت معلوم نه دی.
بیجینګ/پکن تر اوسه په دې اړه څه نه دي ویلي.
د یادولو وړ ده چې څه موده وړاندې د چین ولسمشر شي جین پینګ د انلاین ډیټا او معلوماتو د ساتنې په اړه په خپل وروستي غږ کې ویلي وو چې هیواد یې باید د کمونست ګوند تر څارنې لاندې د خپل انټرنټ لپاره «قوي» امنیتي خنډ جوړ کړي.
په دې وروستیو کې د حماس او اسرائیلي رژیم تر منځ له جګړې وروسته روسیې او چین په ملګرو ملتونو کې د دغه رژیم د دریځونو ملاتړ نه دی کړی.
