دید خبرې آژانس: په هلمند ولايت کې سيمه ييزې سرچينې وايي، چې په دغه ولايت کې د تېر حکومت يو لوړ پوړى پوځي افسر “ديګروال تورجان” پرون چهارشنبه له غرمې وروسته په لښکرګاه ښار کې وژل شوى دى.
وژل شوی کس “دیګروال تورجان” نومیږي او د تېر حکومت پر مهال یې د ولایت د امنیه قومندان او د خانشین ولسوالۍ د امنیه قومندان په توګه دنده ترسره کوله.
نوموړی د ناپېژاندو وسله والو له برید وروسته ټپي شوی و او روغتون ته تر لېږدولو وروسته یې ساه ورکړه.
طا-لبانو تر اوسه پوري د دې پېښې په اړه څه نه دي ویلي.
د تېر حکومت د سرتېرو د وژنې لړۍ د ابهام په فضا کې ده. تر اوسه د سرپرست حکومت چارواکو په دې اړه څه نه دي ویلي.
