ډید خبري اژانس: په پاکستان کې سرچینو رسنیو ته ویلي، چې د پاکستان د دوو سترو مسلم لیگ او خلک پارتی ګوندونو مشرانو نواز شریف او اصف علي زرداري احتمالاً د ایتلافي حکومت د جوړولو لپاره سره لیدلي دي.
د ډان ورځپاڼې د راپور له مخې، نواز شریف د ټاکنو د ګټلو ادعا کړې او اعلان یې کړی چې د یو ایتلافي حکومت د جوړولو لپاره به د ځینو ګوندونو له مشرانو سره خبرې وکړي.
د نواز شریف مسلم لیګ او پیپلز ګوند په ۲۰۲۲ کال کې له واکه د عمران خان له لرې کېدو وروسته ایتلافي حکومت جوړ کړ. شهباز شریف د ایتلافي حکومت د لومړي وزیر نواز شریف ورور و.
د اصف زرداري زوی بلاول بوټو زرداري د دغه حکومت د بهرنیو چارو وزیر و.
په ورته وخت کې د تحریک انصاف ګوند پخواني صدراعظم او زنداني شوي مشر عمران خان هم ادعا کړې چې د ده د ګوند ملاتړي نوماند د پاکستان په ملي اسمبلۍ کې دوه پر درېیمه څوکۍ ګټلي دي.
د لومړنیو پایلو له مخې، د تحریک انصاف ګوند په ګډون خپلواکو نوماندانو ۹۷ څوکۍ، د مسلم لیګ ګوند نواز څانګې ۶۶ څوکۍ او پیپلز ګوند ۵۱ څوکۍ ګټلې دي.
په پاکستان کې د عامو ټاکنو له ترسره کېدو نږدې دوه ورځې تېرې شوې، خو لا هم وروستۍ پایلې نه دي اعلان شوې.
