د پاکستان لومړی وزیر: پر الاهلي روغتون د اسرائیلو برید په کلکه غندو
دید خبری آژانس د خبر له مخې: د پاکستان لومړی وزیر انوارالحق کاکړ د غزې په تړانګه کښې په یو روغتون د اسرائیلو د رژیم حمله په سختو ټکو غندلې ده او په نړیوالې ټولنې یې غږ کړی دی چې تاوتریخوالی ودروی.
کاکر د چهارشنبې په ورځ (د میزان په ۲۶ مه) په ایکس کې لیکلي چې موږ په غزه کې د الاهلي الممداني پر روغتون د اسراییلو برید په کلکه غندو چې په پایله کې یې ګڼو ملکي وګړو ته مرګ ژوبله واوښته.
کاکر: د روغتون په نښه کول، د اړو کسانو لپاره سرپناه، یو نه منلو وړ غیر انساني عمل دی.
هغه زیاته کړه چې نړیوال بشردوستانه قوانین د روغتونونو او روغتیايي پرسونل ملاتړ کوي.
د پاکستان لومړي وزیر زیاته کړه: موږ د دې بې توپیره هدفي بریدونو د پای ته رسولو غوښتنه کوو او له نړیوالې ټولنې څخه غواړو چې د تاوتریخوالي د بندولو لپاره ژر تر ژره اقدام وکړي او چارواکي حساب کړي.
د يادونې وړ ده، چې د اسرائيلي رژيم په دغه بريد کې تر ۵۰۰ ډېر کسان، چې ډېری يې ښځې او ماشومان دي، وژل شوي دي.
