ډيډ خبري اژانس: د پاکستان او ډنمارک ځانګړي استازي د افغان کډوالو د ستونزو د هواري په اړه د نظر تبادله وکړه.
د افغانستان لپاره د پاکستان ځانګړي استازي اصف علي دراني د افغانستان په چارو کې د ډنمارک له ځانګړي استازي لارس بو مولر سره په لیدنه کې د افغان کډوالو پر ستونزو خبرې کړې دي.
اصف دراني د پنجشنبې په ورځ (د کب ۱۰مه) په خپله ایکس پانی کې لیکلي چې دواړو لورو د افغان کډوالو د ستونزو د هواري لپاره د همکارۍ پر لارو چارو خبرې وکړې.
د يادونې وړ ده، چې د پاکستان موقت حکومت د تېر کال په نومبر مياشت کې له دغه هېواده د اسنادو پرته د کډوالو د ويستلو لړۍ پيل کړه.
