د وژل شویو اسراییلي پوځیانو شمېر له ۵۷۰ تنو واوښت

دید خبری آژانس د خبر له مخې: د اسرائیلو رژیم پوځ اعلان کړی چې د اکتوبر له اوومې نیټې څخه په غزه کې د امریکایی وسلو د ازمویلو په ترڅ کې د وژل شویو عسکرو شمیر ۵۷۴ تنو ته رسیدلی دی.

د اسرائيلي رژيم د پوځي تلفاتو د شمېر د زياتوالي خبر په داسې حال کې خپريږي چې رسنيو په غزې تړانګه کې د پرمختللو امريکايي او اروپايي وسلو د ازموينې خبرونه خپاره کړي دي.

له بلې خوا اسرائیلي رژیم اعلان کړی چې که حماس ټول یرغمل شوي کسان خوشې نه کړي، د روژې میاشتې په پای کې به د رفح په ښار کې ځمکني عملیات پیل کړي.

دا په داسې حال کې ده چې د دغو بریدونو له پیل څخه ۱۳۵ ورځې وروسته د اسرائیلي رژیم په بریدونو کې د ملکي تلفاتو شمېر ۳۰ زره کسانو ته رسېدلی دی.