د واخان سړک د دویم فاز تړون لاسلیک شو
دید خبرې آژانس: د بدخشان د واخان دویم سړک د جوړولو تړون لاسلیک ته د دغه ولایت اوسېدونکي خوشحاله دي.
د کلیو د بیارغونې او پراختیا وزارت د تېرې اونۍ پنجشنبې په ورځ د ۷۱ کیلومټر په اوږدوالي د واخان دویم سړک د جوړولو تړون د ۱۴۳ میلیونه افغانيو په ارزښت له یوه کورني شرکت سره لاسلیک کړ.
ورته مهال د بدخشان سیمهییز مسوولین وايي، د واخان سړک جوړولو چارو پرمخ هېڅ ډول ستونزه نشته او ددغې پروژې امنیت ټینګښت یې کاري لومړیتوب دی.
د بدخشان د والي مرستیال، امینالله طیب وايي: «الحمدالله، هغه پروژه چې د دې سړک د جوړولو لپاره قرارداد شوې، اسلامي امارت ورته پوره چمتووالی لري، ترڅو دا کار په ښه ډول ترسره شي.»
امانالله چیره، د بدخشان د کلیو د بیارغونې او پراختیا رییس، هم و ویل: «د واخان سړک نه یوازې افغانستان ته، بلکې ګاونډیو هېوادونو ته هم اقتصادي ګټه رسوي، او انشاءالله یو اساسي سړک به وي.»
د واخان دهلیز د بدخشان له مرکز فیض اباد ښاره د چين تر یارکند سیمه پورې نږدې پنځه سوه کیلومټره اوږدوالی لري او د سمندر له کچې پنځه زره متره لوړ دی.
