دید خبرې آژانس: د هرات د ولایت مقام ویاند، مفتي محمد یوسف سعیدي وايي، چې د دغه ولایت والي مولانا اسلامجار، د یوه پلاوي په مشرۍ چې په کې د سوداګرۍ سکټور فعالان شامل دي، ترکمنستان ته سفر کړی دی.
ټاکل شوې ده چې نوموړی به په دغه سفر کې د ترکمنستان له لوړپوړو چارواکو سره د دواړو هېوادونو ترمنځ د سوداګریزو او ترانزیټي همکاریو د پیاوړتیا او ګډو بنسټیزو پروژو د تعقیب په موخه کتنې ولري.
د یادونې وړ ده چې دا ترکمنستان هېواد ته د هرات د والي لومړی سفر دی.