دید خبري آژانس: د نیمروز ولایت د ودانۍ مخې ته ځانمرګی برید د سرپرست حکومت د کورنیو چارو وزارت تایید کړی دی. ویل کیږي چې ځانمرګی هدف ته له رسیدو مخکې وژل شوی دی.
د کورنیو چارو وزارت ویاند عبدالمتین قانع په دې اړه ایکس کې لیکلي چې د چشت ځانمرګي بریدګر پلان درلود چې د یکشنبې په ورځ (جدي ۲۴) د نیمروز ولایت په مرکز کې چاودنه وکړي.
ده وويل چې دغه بريدګر نيمروز ولايت ته له ننوتو مخکې د امنيتي ځواکونو له خوا وپيژندل شو او په نښه شو.
د هغه په وينا، ځانمرګى بريدګر له چاودېدونکو توکو ډک موټر وچاوه، چې په پايله کې يې درې طا-لبان ټپيان شول.
په خپرو شویو انځورونو او ویډیوګانو کې د نیمروز د ولایتي ادارې د ودانۍ په انګړ کې د یوه سړي ټوټه ټوټه شوی جسد، چې ویل کېږي ځانمرګی دی، لیدل کېږي.
دا نه ده څرګنده چې د دې برید تر شا کومې ډلې لاس درلود.
تر دې وړاندې داعش ډلې د طا-لبانو پر وړاندې د بریدونو مسوولیت پر غاړه اخیستی دی. د بلخ پر پخواني والي داوود مزمل باندې د ځانمرګي برید مسوولیت هم په غاړه اخیستی دی.
