د مهاجرینو اجباري اخراج؛ درې امریکايي چارواکي پاکستان ته ځي
ډید خبري اژانس: د افغان کډوالو د کړکېچ په دوام د امریکا درې جګپوړي چارواکي د سلا مشورو لپاره روانه اوونۍ پاکستان ته ځي.
د پاکستان د بهرنیو چارو د وزارت ویاندې ممتاز زهرا بلوچ د یکشنبې په ورځ (قوس۱۲) په یوه خبري غونډه کې وویل: د نفوسو، کډوالو او مهاجرینو په چارو کې د امریکا د بهرنیو چارو وزارت مرستیاله جولیتا والش نویس به په درې ورځني سفر پاکستان ته راشي. د دوشنبې په ورځ په داسې حال کې چې د افغانستان لپاره د امریکا ځانګړی استازی ټام ویست د پنجشنبې په ورځ اسلام اباد ته ځي.
هغه زیاته کړه: د پاکستان په چارو کښې د امریکې د بهرنیو چارو وزارت مرستیاله الیزابت هورسټ به هم د همدې میاشتې په نهه ویشتمه (دسمبر) پاکستان ته سفر وکړي.
د پاکستان د بهرنیو چارو د وزارت ویاند زیاته کړې، چې دغه غونډې له امریکا سره د افغانستان په ګډون پر یو لړ پراخو مسایلو د خبرو اترو یوه برخه ده، خو یوازې د افغانستان په وضعیت پورې محدوده نه ده.
د امریکايي چارواکو ډیپلوماتیک سفرونه په داسې حال کې کېږي چې پاکستان له دغه هېواده افغان کډوال په زوره ایستلي دي.
