د ملګرو ملتونو امنیت شورا د افغان ښځو د وضعیت په اړه غونډه کوي
ډید خبري اژانس: د ملګرو ملتونو امنیت شورا د دوشنبې په ورځ (قوس ۲۰) د افغان ښځو د وضعیت په اړه غونډه کوي.
تمه ده چې د ملګرو ملتونو امنیت شورا به د دغه سازمان د سرمنشي د خپلواک استازي فریدون سینیرلی اوغلو په راپور کې وړاندې شوي وړاندیزونه وڅېړي.
د ښاغلي سینیرلی اوغلو دغه راپور د چهارشنبې په ورځ (د عقرب ۱۷ مه) د ملګرو ملتونو د سرمنشي انتونیو ګوتریش په لاسلیک سره د ملګرو ملتونو د امنیت شورا غړو ته وړاندې شو.
په دغه راپور کې د طا-لبانو له نړیوال انزوا څخه د وتلو لاره او په نړیوال ډګر کې د دوی د موقت حکومت په رسمیت نه پېژندلو د کړکېچ د ماتولو لاره ښودل شوې ده.
په راپور کې راغلي چې د نړیوالو مکلفیتونو مراعات کول او د یوه جامع اساسي قانون د جوړولو د پروسې پیلول به له طا-لبانو سره د نړۍ د اړیکو د عادي کېدو لامل شي.
د ټول شموله حکومت د جوړولو لپاره د افغانانو تر منځ د خبرو بیا پیلول هم په دې راپور کې د وړاندیزونو یوه برخه ده.
تر دې مخکې د بشري حقونو د څار د ښځو د څانګې مشرې هیدر بار پر دې خبرې نیوکه کړې وه چې دا غونډه د تړلو دروازو تر شا جوړه شوې وه.
مېرمن بار وويل، چې د راتلونکې غونډې پايلې به په افغانستان کې د نجونو او مېرمنو پر برخليک اغېز وکړي، نو دوی حق لري، چې په دې ناسته کې څه کېږي.
