د غیرقانوني مهاجرینو د وتلو لپاره د ټاکل شوي نیټې پای ته رسیدو پورې له ۲۴ ساعتونو څخه کم؛ د پاکستان د کورنیو چارو وزیر خبرداری ورکړ
ډید خبري اژانس: د پاکستان د کورنیو چارو وزیر په داسې حال کې چې د ناقانونه افغان کډوالو د ایستلو وروستۍ نېټه په نږدې کېدو ده، د سرغړونکو پر وړاندې د سختو اقداماتو خبرداری ورکړ.
په داسې حال کې چې د ناقانونه افغان کډوالو د داوطلبانه ستنېدو نېټه په نږدې کېدو ده، د پاکستان د کورنیو چارو وزیر د سختو فشارونو د پیل اعلان وکړ.
پاکستاني چارواکي ادعا کوي، چې شاوخوا یوه میاشت وړاندې زرګونه غیر قانوني کډوال خپلو هېوادونو ته ستنېدل پیل کړي، خو ډېری یې لا هم د حکومت له خبرداریو د تېښتې لپاره پټ دي.
د پاکستان د موقت حکومت د کورنیو چارو وزیر سرفراز بګټي په یوه خبري کنفرانس کې خبرداری ورکړ چې د هغو کسانو پر ضد چې تېښته غواړي او هغه ځايي خلک چې غیر قانوني کډوالۍ ته لاره هواروي، د سختو اقداماتو خبرداری ورکړی.
هغه زیاته کړه چې حکومت د ټولو ناقانونه کډوالو معلومات راټول کړي او له ټاکلي مودې وروسته به یې په زوره ایستلي وي.
د هغه په وينا، ټول افغانان به له کره اسنادو پرته په څو پړاوونو کې شړل کېږي.
طا-لبانو د دغو کسانو د اوسېدو لپاره یو کمېسیون جوړ کړی او پر راستنېدونکو به یې ځمکې او نغدي مرستې وېشي.
په همدې حال کې له پاکستان او ایران څخه زرګونه کسان هېواد ته راستانه شوي او د بېکارۍ په ګډون له ګڼو ننګونو سره مخ دي.
