د غزې بحران؛ د وژل شویو فلسطینیانو شمېر تر دیارلس زرو واوښت
ديد خبري اژانس : دفلسطيني ادارې د رسنيو دفتر اعلان وکړ چې د ميزان د مياشتې له پنځلسمې نيټې څخه په غزې تړانګې د اسرائيلو په بريدونو کې څه دپاسه ديارلس زره تنه وژل شوي دي.
د ورکړل شویو شمېرو له مخې، په وژل شویو کې تر ۵۵۰۰ ډېر ماشومان وو.
دا هم ویل شوي، چې پر غزې د اسرائیلي رژیم د بریدونو له پیل راهیسې تر ۳۰ زره ډېر کسان ټپیان شوي دي، چې ۷۵ سلنه یې ماشومان او ښځې دي.
د اسراييلو لومړي وزير بنيامين نتنياهو پرون اعلان وکړ چې تر اوسه د اوربند په اړه کومې موافقې ته نه دي رسېدلي.
ښاغلي نتانیاهو ویلي، که یرغمل شوي کسان خوشي شي، نو موقتي اوربند ته به چمتو وي.
په عین حال کې د اسرائیلو د رژیم پوځ ویلي دي چې د میزان له ۱۵ نیټې راهیسې د دغه رژیم ۳۸۰ پوځیان له حماس سره په جګړه کې وژل شوي دي.
د الجزیرې خبري آژانس لیکلي دي چې د غزې تړانګې ته د اسرائیلي ځواکونو له ننوتلو وروسته دغه ۶۶ پوځیان ووژل شول.
