ډید خبري اژانس: د هېواد په بهرنیو اسعارو بازارونو کې د افغانی د بیې له راټیټېدو وروسته د طا-لبانو مرکزي بانک ۱۲ میلیونه ډالر بازار ته داخل کړل.
د طا-لبانو مرکزي بانک نن دوشنبه (د سرطان ۲۷) اعلان وکړ چې ۱۲ میلیونه ډالره لیلام کوي.
د يادونې وړ ده، چې د طا-لبانو مرکزي بانک تر دې دمه د ډالرو پر وړاندې د افغانۍ د ارزښت د کنټرول په موخه لسګونه ميليونه ډالر ليلام کړي دي.
دا مهال د افغانستان په بازارونو کې یو امریکايي ډالر په ۸۹،۱۰ افغانۍ پېر او پلورل کېږي.
په همدې حال کې د ملګرو ملتونو له خوا افغانستان ته د ۳۲ میلیونه ډالرو په ارزښت شاوخوا ۳۰ د بشري مرستو کڅوړې ورکړل شوې دي.
