د طا-لبانو سترې محکمې اعلان وکړ چې بله دوشنبه د غبرګولي یا جوزا ۲۸مه به په افغانستان کې د لوی اختر لومړۍ وي.
دغې محکمې تېره شپه په یوه اعلامیه کې ویلي، په مرکز او ولایتونو کې د دوی د هلال کمېټو میاشت لیدلې او د دوی په حساب نن شنبه د ذوالحجة الحرام لومړۍ ورځ ده.
خو په نورو جنتریو کې پرون جمعه د ذوالحجې لومړۍ نېټه وه.
سږ کال هم خلک اختر په داسې حال کې نمانځي چې د افغانستان نیمايي برخه د وروستیو اورښتونو او سېلابونو له کبله زیانمنه شوې او خلک له اقتصادي ستونزو کړېږي.
