دید خبرې آژانس: د اسلامی امارت د خوست ولایت د پاسپورټ امریت مسوولین وایي چې دغه امریت د تېر ۱۴۰۳ کال کې څه باندې ۳۶ زره پاسپورټونو له وېش څخه څه باندې ۱۸۴ میلیونه افغانۍ عواید راټول کړي دي.
د یاد ولایت د امنیه قومندانۍ ویاند طاهر احرار ویلي چې یاد امریت د تېر ۱۴۰۳ کال په لړ کې د ۳۶ زره ۱۳۸ پاسپورټونو د وېش له درکه ۱۸۴ میلیونه ۴۶۴ زره ۹۵۰ افغانۍ عواید راټول کړي او د دولت خزانې ته یې سپارلې دي.
دا په داسې حال کې ده، چې د خوست د پاسپورټ امريت مسوولینو د خپلو خدمتونو ساحه پراخه کړې او مراجعینو ته یې د پاسپورټونو په ژر ورکړه کې د پام وړ اسانتیاوې رامنځته کړې دي.
