د خوست اوسېدونکي د نسايي ولادي خدمتونو نشتوالي سره مخ دی

دید خبرې آژانس: د خوست يو شمېر اوسېدونکي وايي، چې د لومړنيو روغتيايي خدمتونو په ګډون نسايي ولادي خدماتو ته هم لاسرسی نه لري.

هغوی زیاتوي، په ډېرو لرو پرتو سيمو کې يا روغتيايي کلينيکونه نشته او که شته هم د نسايي ولادي څانګې نه لري چې له امله یې له ډېرو ستونزو سره مخ دي.

دوی له سرپرست حکوم څخه د دې ستونزې د حل غوښتنه کوي.

د یادو لرو پرتو سيمو له ډلې يوه هم ډيورنډ فرضي کرښې ته څېرمه د عليشېرو ولسوالۍ د ببرک تاڼې سيمه ده.