د تورخم د تړل کېدو شپږمه ورځ؛ پاکستاني چارواکو ویلي دي چې د اسلام اباد په امر به پوله پرانستل شي
د دید خبري آژانس د خبر له مخې، په ورته وخت کې د تورخم لاره د ۶ ورځو لپاره تړلې وه، د پاکستان سیمه ییزو چارواکو او طا-لبانو د پولې په صفري نقطه کې سره وکتل.
په داسې حال کې چې د پرله پسې شپږمې ورځې لپاره د دواړو هېوادونو پوله تړلې وه، د پاکستان ځايي چارواکو او طا-لبانو د پولې په صفري نقطه کې غونډه وکړه.
غونډه د یکشنبې په ورځ غرمه ۱۲ بجې پیل او دوه ساعته یې دوام وکړ.
طا-لبانو ویلي دي چې په افغانستان کې نوې امنیتي پوستې جوړوي او زړې امنیتي پوستې ترمیموي.
دغه چارواکي څرګنده کړه چې دوی د راپورونو له مخې پاکستاني چارواکو ته ډاډ ورکړی چې د جوړېدو لاندې نوې پوسته به د پاکستان پر ضد ونه کارول شي.
پاکستاني لوري افغان چارواکو ته ویلي چې زړې امنیتي پوستې دې جوړې کړي، خو نړیوال قوانین د نړیوالو پولو په سل مترۍ کې د نویو امنیتي پوستو د جوړولو اجازه نه ورکوي.
پاکستاني چارواکو افغان چارواکو ته ویلي چې د ځمکې صفر ته نږدې د نویو امنیتي پوستو له جوړولو مخکې باید پاکستان ته خبر ورکړي.
سرچينې زياته کړې، چې طا-لب چارواکو له پاکستاني چارواکو غوښتي، چې د تورخم پوله بېرته پرانيزي، ځکه په سلګونو لارۍ تازه مېوې او سبزيجات د ګرمې هوا له امله له منځه تللي دي.
پاکستاني لوري افغان چارواکو ته ویلي، چې د تورخم له لارې تګ راتګ به یوازې د لوړ پوړو چارواکو له حکم وروسته پیل شي.
په همدې حال کې امنیتي چارواکي وايي، په سیمه کې سوداګریزې چارې او د پیاده تګ راتګ بند شوی دی.
دوی وویل: د پولې د تړل کېدو له امله د پولې دواړو غاړو ته زرګونه موټر بند پاتې دي.
په همدې حال کې طا-لبانو پرون پاکستان په ډزو تورن کړ.
پاکستان په یوه بیان کې د طا-لبانو د بهرنیو چارو وزارت څرګندونې حیرانونکې بللې او ویلي یې دي چې په خپله خاوره کې د امنیتي پوستو جوړول نه مني.
