د ترکیې پخوانی سفیر: انقره کولای شي د افغانستان او نړۍ ترمنځ ستراتیژیک پل جوړ کړي

ډید خبري اژانس: د اسلامي همکاریو په سازمان کې د ترکیې پخواني سفیر ویلي دي چې انقره کولای شي د افغانستان او پرمختللې نړۍ ترمنځ ستراتیژیک پل جوړ کړي.

کله چې د امریکا په مشرۍ د ناټو ځواکونه د ۲۰۲۱ کال په اګست کې له افغانستانه ووتل او طا-لبانو د دغه هېواد واک په لاس کې واخیست، افغانستان د نړۍ له بشري مرستو بې برخې شو.

د طا-لبانو حکومت تر اوسه د نړیوالې ټولنې په رسمیت نه دی پیژندلی.

په داسې حال کې چې د سیاسي وضعیت په اړه بحثونه دوام لري، یو شمېر کارپوهان استدلال کوي چې په افغانستان کې اقتصادي پانګونه په اوږد مهال کې ګټوره تمامېدای شي.

حسین اوني بوتسالي په کابل کې د سوداګرۍ او صنایعو د نندارتون په څنډه کې په یوه مرکه کې آناتولي ته وویل: د طا-لبانو په دوره کې افغانستان د تخریب له دورې څخه تیریږي چې د ترکي سوداګرو لپاره ښه فرصتونه لري.

بوتسالي چې یو وخت یې د اسلامي همکاریو د سازمان (OIC) په افغانستان کې دنده ترسره کوله وویل چې ترکیه کولای شي له افغانستان څخه د لویدیځو هیوادونو او سترو نړیوالو شرکتونو له وتلو وروسته د قدرت په خلا کې مهم رول ولوبوي.

هغه وویل: خلک، متشبثین سکتور، واړه او متوسطه سوداګر لا هم ساه اخلي. د سوداګرۍ خونې مسوولین هم غواړي چې له نړۍ سره د افغانستان اقتصادي اړیکې ورغوي. دوی مرستې ته اړتیا لري ترڅو معلومه کړي چې دا څنګه پیښیږي. په دې معنی، ترکیه دا فرصت لري چې د پرمختللو هیوادونو او افغانستان ترمنځ یو ستراتیژیک پل جوړ کړي.

دغه پخواني ديپلومات په ترکيه کې د افغانانو «سترې ګټې» ته په اشارې سره وويل، چې د ترکي شرکتونو هر ډول پانګونه به په راتلونکي کې د رقابتي ګټې سبب شي.

د دې په ټینګار سره چې د افغانستان دروازې «ترکیې ته خلاصې دي»، بوتسالي یادونه وکړه چې د ترکي متشبثینو او پانګوالو لپاره په افغانستان کې د پانګونې د فعالیتونو د زیاتوالي او د راتلونکي پلان جوړولو لپاره یو هوسا ځای شتون لري.