د بښنې نړیوال سازمان: پاکستان باید د افغانانو د ډله ییز اخراج مخه ونیسي
ډيډ خبري اژانس: د بښنې نړيوال سازمان له پاکستان څخه د افغانانو د ډله ييز اخراج د سمدستي بندېدو غوښتنه کړې او ويلي يې دي چې په دې پروسه کې د روڼتيا په نشتوالي اندېښنه لري.
د بښنې نړیوال سازمان د جنوبي اسیا مرستیال مشر لیو ساکاردي پرون وویل، په زرګونو افغان کډوال د طا-لبانو تر واکمنۍ لاندې افغانستان ته د ستنېدو لپاره د سیاسي پیادو په توګه کارول کېږي، چېرته چې د دوی ژوند د بشري حقونو له سخت جبر او ناورین سره مخ دی. په خطر کې وي.
هغه زیاته کړه: هیڅوک باید د ډله ایزې جبري شړلو تابع نه شي او پاکستان باید د نه ردولو د اصولو په ګډون خپلو قانوني او نړیوالو مکلفیتونو ته درناوی وکړي.
دغه سازمان په تېره اوونۍ کې د نیول شویو کسانو په نیولو او شړلو کې د بشپړ شفافیت، قانوني پروسې او حساب ورکونې د نشتوالي په اړه اندېښنه ښودلې ده.
د بښنې نړیوال سازمان وايي، د افغانانو جبري اخراج د افغان کډوالو پر وړاندې د ځورونې او دښمنۍ پېښې لا پسې زیاتې کړي دي.
لیو ساکاردي دا هم یادونه وکړه چې که د پاکستان حکومت ژر تر ژره د اخراج مخه ونه نیسي، په زرګونو افغانان، په ځانګړې توګه ښځې او نجونې به امنیت، تعلیم او معیشت ته له لاسرسي څخه محروم شي.
ایمنسټي انټرنیشنل زیاته کړې چې پاکستان باید د کډوالو لپاره د ملګرو ملتونو له عالي کمیشنرۍ سره په ګډه په پاکستان کې د پناه غوښتونکو په ځانګړې توګه د ښځو او نجونو، ژورنالیستانو، اقلیتونو او توکمیزو ټولنو د راجستریشن بهیر چټک کړي.
د يادونې وړ ده، چې تر دې مهاله له پاکستان څخه شاوخوا دوه سوه زره افغانان يا په خپله خوښه هېواد ته ستانه شوي دي.
