د بشري حقونو د څار ډله: له طا-لبانو سره د نړیوالې ټولنې تعامل له بشري حقونو سرغړونې زیاتوي

ډید خبري اژانس: د بشري حقونو د څار د ښځو د برخې مشره وايي، په افغانستان کې له بشري حقونو د پراخې سرغړونې سربېره، هېوادونو له طا-لبانو سره خپلې اړیکې زیاتې کړي دي.

د بشري حقونو د څار د ښځو د برخې مشرې هیدر بار وايي، په افغانستان کې د طا-لبانو له خوا د بشري حقونو په ځانګړې توګه د ښځو له حقونو څخه د سرغړونې سربیره، هیوادونو له دې ډلې سره خپل تعامل زیات کړی دی.

بار زیاته کړه چې د طا-لبانو او نری دا تعامل دوی د افغانانو په وړاندې د لا زیاتو بندیزونو په لګولو کې زړور کوي.

که څه هم تر اوسه کوم هېواد د طا-لبانو حکومت په رسمیت نه دی پېژندلی، خو د دې ډلې یو شمېر چارواکو د ترکیې په ګډون ځینو هېوادونو ته سفرونه کړي، سره له دې چې د ملګرو ملتونو په تور لېست کې دي.