د بریتانیا په کابینه کې بدلونونه؛ کامرون د بهرنیو چارو وزیر او کلیورلي د کورنیو چارو وزیر وټاکل شول
د دید خبري آژانس د خبر له مخې، د بریتانیا د لومړي وزیر دفتر اعلان کړی، چې پخوانی لومړی وزیر ډیویډ کامرون د بهرنیو چارو وزیر او جیمز کلیورلي د کورنیو چارو وزیر ټاکل شوي دي.
دا بدلونونه وروسته له هغه وشول چې د بریتانیا د کورنیو چارو وزیره سویلا برورمن د دوشنبې په ورځ (۲۲ عقرب) له خپلې دندې ګوښه شوه.
د اسوشیېټډ پرېس په وینا، د برتانیا د کورنیو چارو وزیر تر دې مخکې د برتانیا پولیس د هغو مظاهره چیانو په ملاتړ تورن کړي وو چې د فلسطین په ملاتړ سړک ته راووتل.
اوس د بریتانیا د صدراعظم دفتر اعلان کړی چې د دغه هېواد پخوانی لومړی وزیر ډیویډ کامرون د بهرنیو چارو د وزیر په توګه ټاکل شوی دی.
کامرون د جیمز کلیورلي ځای نیسي، څوک چې د کورنیو چارو د ګوښه شوي وزیر سویلا برورمن ځای نیسي.
ویل کیږي چې د برتانیې د لومړي وزیر ریشي سناک په کابینه کې نور بدلونونه هم را منځته شوي دي.
