دید خبرې آژانس: د ټرانسپورټ او ملکي هوايي چلند وزارت، ایران ته د دغه وزارت د یوه پلاوي له سفر خبر ورکړی دی.
د دغه وزارت ویاند، د دغه سفر موخه د دواړو هېوادونو په خاوره کې د ټرانزیټي وسایطو او د ټرانسپورټي بېخنناوو د پراختیا لپاره د تیرپارک د ځایونو تثبیت بللی دی.
د اسلامي امارت د پلاوي دغه سفر په داسې حال کې کېږي، چې تر دې وړاندې د صنعت او سوداګرۍ وزارت ویلي و، چې له ایران سره تېر کال د څه باندې درې مېلیارد او ۳۰۰ مېلیونه ډالرو په ارزښت راکړه ورکړه شوې وه.