د ایران پخوانی سفیر: شمالي افغانستان ته د تحریک طا-لبان پاکستان انتقال د کړکېچ تولید دی
ډید خبري آژانس: په کابل کې د ایران پخوانی سفیر وايي، د تاوتریخوالي د بندولو د ژمنې له امله د افغانستان شمال ته د تحریک طا-لبان پاکستان انتقال نه یوازې ستونزې نه حلوي، بلکې څو اړخیز بحرانونه هم رامنځته کوي.
په کابل کې د ایران پخواني سفیر محمدرضا بهرامي نن دوشنبه (د سرطان ۱۹مه) د افغانستان شمال ته د پاکستاني طا-لبانو د غړو د لېږدولو په غبرګون کې وویل چې دا اقدام به یوازې د تاوتریخوالي د مخنیوي له ژمنې پرته بحران رامنځته کړي.
بهرامي لیکي: په پاکستان کې د تاوتریخوالي د مخنیوي او له غیر افغاني افراطي ډلو سره د اړیکو د ساتلو په خاطر د دوی د نه ژمنتیا له امله شمالي افغانستان ته د TTP د انتقال تصویب په دې معنا دی:
– په پاکستان کې د ناامنۍ دوام؛
– د ناامنیو د تولید ظرفیت په انتقالولو سره د طا-لبانو او د منځنۍ اسیا د سیمې او چین ترمنځ د معاملې د یوې وسیلې جوړول؛
– د افغانستان په شمال کې د ټولنیزو، کلتوري او امنیتي بحرانونو رامنځته کول.
په همدې حال کې په افغانستان کې د پاکستان استازي په دې وروستیو کې د طا-لبانو دغه محتاطانه اقدام ستایلی دی.
باید وویل شي، چې د افغانستان د نجات ملي مقاومت شورا په دې وروستیو کې په یوه اعلامیه کې د دغه عمل په وړاندې خبرداری ورکړی او دا یې د هېواد د شمال وزیرستان کول بللي دي.
