د ایران د بهرنیو چارو وزیر: د ایراني عکاس د خوشې کولو لپاره ډیپلوماټیکې هڅې روانې دي
دیده خبری آژانس: د ایران د بهرنیو چارو وزیر وايي، په افغانستان کې د تسنیم خبري اژانس عکاس محمد حسین ولایتي د خوشې کولو لپاره جدي ډیپلوماټیکې او قونسلګرۍ هڅې روانې دي.
د ایران د بهرنیو چارو وزیر حسین امیر عبداللهیان د جمعې په شپه (سنبله ۳) په ایکس (پخواني ټویټر) کې په یوه پیغام کې هیله څرګنده کړه چې ولایتي به په راتلونکو څو ساعتونو کې په کابل کې د ایران سفارت ته وسپارل شي.
محمد حسین ولایتي د ایران د تسنیم خبري آژانس عکاس او ادیتور دی او تېره شنبه (د اسد ۲۸مه) له ایرانه د راستنېدو پر مهال د کابل په هوايي ډګر کې ونیول شو.
تسنیم لیکلي چې د طا-لبانو امنیتي ځواکونو د دې رسنۍ عکاس او ایدیتور له کوم وضاحت پرته نیولی دی.
د افغانستان د خبريالانو مرکز وايي چې اوسمهال په ټول هېواد کې د هغو خبريالانو او رسنيو د کارکوونکو شمېر ١٢ تنو ته رسېږي چې په بند کې دي.
