د امریکا کانګرس ته په یوه لیک کې د افغانستان پخوانیو چارواکو د مشروع حکومت د جوړېدو د ملاتړ غوښتنه کړې
ډید خبري اژانس: د امریکا کانګرس ته په یوه لیک کې د افغانستان پخوانیو جګپوړو چارواکو د طا-لبانو پر ضد د اقدام او د هدفي بندیزونو د ملاتړ غوښتنه کړې ده.
د افغانستان د لږ تر لږه ۲۸ وزیرانو، پوځي مشرانو، دیپلوماتانو، د ولسي جرګې غړو او د مدني ټولنې فعالانو یوې ډلې کانګرس ته په یوه لیک کې په افغانستان کی د مشروع حکومت د ملاتړ او بیا رغولو غوښتنه کړې ده.
د میډیا لاین په وینا، چارواکي ادعا کوي چې وروسته له هغه چې طا-لبانو د ۲۰۲۱ په اګست کې د متحده ایالاتو د بیړنۍ وتلو وروسته واک ترلاسه کړ، د افغانستان خلکو د «مشروع واکمنانو» په توګه د طا-لبانو په رسمیت پیژندلو څخه انکار وکړ.
د امریکا کانګریس ته د دې لیک ټول لاسلیک کوونکي پخپله جلاوطن شوي او په مختلفو اروپايي هیوادونو او امریکا کې کډوال شوي دي.
په لیک کې راغلي چې پخوانیو افغان چارواکو د متحده ایالاتو له کانګرس څخه غوښتي چې «په افغانستان کې د یو مشروع او باثباته حکومت د بیارغونې د تضمین لپاره خپل نفوذ وکاروي، داسې حکومت چې د خلکو ریښتینې استازیتوب کوي».
د لیک په دوام کې راغلي: موږ به په افغانستان کې د ازادۍ د بېرته ترلاسه کولو لپاره خپلو هڅو ته دوام ورکړو. دا د متحده ایالاتو اخلاقي مسؤلیت دی چې د هغو افغانانو ملاتړ وکړي چې غواړي د یو مشروع حکومت بیرته راولي.
د افغانستان هغه مشهورو څېرو چې د امریکا کانګرس ته استول شوی لیک یې لاسلیک کړی، په کې د دفاع وزارت سرپرست شاه محمود میاخېل، د کورنیو چارو پخوانی وزیر مسعود اندرابي، د کورنیو چارو پخوانۍ وزیره فوزیه کوفي، د ولسي جرګې غړې او د ملي شورا مرستیال او محمد شریف یفتلي د پوځ لوی درستیز، جنرال فهیم رامین پخوانی لوی درستیز او سمیع سادات د افغان ملي اردو د ځانګړو ځواکونو قوماندانان شامل دي.
ميډيا لاين د افغانستان د دفاع وزارت له پخواني رئيس مياخېل سره چې د دغه ليک مشري يې کړې، مرکه کړې ده.
مياخېل وويل: اوس مهال د بشري حقونو، ازادۍ او ټول شموليت لپاره مبارزه د افغانستان ډيموکراسي تعريفوي. د طا-لبانو له خوا د سختو اقداماتو او محدودیتونو لګول، په ځانګړې توګه زده کړو ته د نجونو د لاسرسي په اړه، په ښکاره توګه بشري حقونه تر پښو لاندې کوي او د ډیموکراټیکې او ټول شموله ټولنې د ترلاسه کولو په وړاندې ډیری خنډونه رامینځته کوي.
هغه زیاته کړه: له افغانستان څخه د امریکې له وتلو وروسته د قطر او دبۍ په شمول په مختلفو ځایونو کښې د امریکې د استخباراتی چارواکو او د طا-لبانو د استازیو ترمینځ یو لړ مهمې غونډې وشوې. متحده ایالات د بشري مرستو په برخه کې له کابل سره غیر مستقیم ملاتړ کوي.
دغه پخواني وزیر ویلي دي: د بشردوستانه مرستو د غیر مستقیم ملاتړ په اړه اندیښنې پیدا شوي دي. زموږ معلومات ښیي چې له دغو سرچینو څخه ځینې په ناخبره توګه طا-لبانو او نورو سخت دریځو ډلو ته ګټه رسوي.
هغه زیاته کړه: د دې خطرونو د کمولو لپاره، موږ غواړو چې د غیرقانوني موخو لپاره د سرچینو د انحراف د مخنیوي لپاره د جدي څارنې او ارزونې پروسې رامینځته کړو. متحده ایالات باید په افغانستان کې د یوه ټول شموله او مشروع حکومت ملاتړ وکړي، نه د یوې افراطي ډلې. … په افغانستان کې د یو باثباته او فعال حکومت پرته، د واک د خلا، د بې قانونۍ د زیاتوالي او د افراطي ډلو احتمالي خطر شتون لري چې له وضعیت څخه ناوړه ګټه پورته کړي. دا عوامل کولی شي د تروریزم د خپریدو او همدارنګه د سیمه ایزې بې ثباتۍ لپاره یو مناسب چاپیریال رامنځته کړي.
مياخېل زياته کړه: د تروريستي سازمانونو د خوندي پټنځايونو د بيا رامنځته کېدو د مخنيوي لپاره بايد هڅې وشي، لکه څنګه چې په تېر کې ليدل شوي دي.
یو بل پخواني افغان چارواکي چې دغه لیک یې لاسلیک کړی، د نوم د نه ښودلو په شرط یې ویلي: دا کومه ځانګړې ډله نه ده چې مشخص هدف ولري. نږدې ټول یې د اشرف غني له دورې څخه دي او ټول په یوه خبره متفق وو: افغانستان داسې حکومت ته اړتیا لري چې د ټولو مکتبونو استازیتوب وکړي. طا-لبانو په وار وار نړیوالو ته خبرداری ورکړی چې داسې حکومت به جوړوي، خو دوی دا کار په قصدي توګه نه دی کړی.
دغه چارواکي زیاته کړه: د خپل ځان په ګډون د دې سازمان څو غړو د مکتوب د متن له ځینو برخو سره اختلاف درلود، خو د ملي ګټو له مخې یې لاسلیک کړ.
په نیویارک کې میشت د ملي امنیت کارپوهه او د جنوبي اسیا د چارو کارپوهه ایرینا زوکرمن وایي: طا-لبان به د امریکا د متحده ایالاتو امنیتي ملګري وي او د القاعدې، داعش – خراسان او نورو تروریستي سازمانونو په وړاندې په مبارزه کې به له امریکا سره مرسته وکړي.
