د امام زاده یحیی زیارت د لسگونو زره اربعین حسینی زیارت کوونکو د غونډی لپاره چمتو شو
دید خبری اژانس: په سرپل ولایت کښې د امام زاده یحیی زیارت د حسینی اربعین د ورځې په مناسبت د لسګونو زرو زائرانو د لیدو لپاره چمتو شو.
د سرپل د شیعه علماوو شورا مشر سید رضا عالم زاده وايي، د اربعین په ورځ د دغه ښار اوسیدونکو او مینه والو د امام زاده یحیی زیارت ته د یو لک زائرینو د هرکلي لپاره تیاری نیولی دی.
د هغه په وینا، د روان کال د اربعین مراسمو ته په چمتووالي کې له ۲۵ زیات شیعه او سني جوماتونو فعاله ونډه اخیستې ده.
ښاغلی عالم زاده وايي، هر کال د اربعین حسیني په ورځ د امامزاده یحیی په زیارت کې له ټول افغانستان او په ځانګړې توګه له شمالي ولایتونو څخه د اهل بیتو مینه وال راغونډېږي او دا ډول غونډه په هېواد کې ډېره کمه ده.
عالم زاده څرګنده کړه چې د امام زاده یحیی په زیارت کې د امام حسین اربعین د نمانځنې په اړه د حکومت همکاري ښه وه او امنیتي ځواکونه په جدي توګه د امنیت تامین کوي.
د سرپل د شیعه علماو د شورا مشر وویل چې د اهل بیتو مینه وال کولای شي د اربعین په ورځ په خوندي توګه د امام زاده یحیی علیه السلام زیارت ته لاړ شي او په دغه ستره غونډه کښې ګډون وکړي.
باید وویل شي چې هر کال د محرم او اربعین حسیني په میاشتو کې د اهل بیت علیهم السلام پیروان، شیعه او سني په لسګونو زره کسان راټولیږي او د امام حسین علیه السلام په خاطر فریاد کوي او ویناوې او ماتمونه کوي.
