اسلایدشوافغانستانورزش او ځوانان
د افغانستان د فوټسال ملي لوبډله د دوو دوستانه سیالیو لپاره مراکش ته ځي
دید خبرې آژانس: د افغانستان د فوټسال ملي لوبډله د مراکش د فوټسال ملي لوبډلې سره په دوو دوستانه سیالیو کې لوبېږي.
د افغانستان د فوټبال فدراسیون اعلان وکړ چې د مراکش پر وړاندې د دغه هېواد د فوټسال ملي لوبډلې دوه دوستانه سیالۍ به د روان کال د جولای په ۱۰مه او ۱۳مه نېټه د مراکش په کوربه توب د تړلو دروازو تر شا ترسره شي.
د اعلامیې پر بنسټ، د دغو دوو لوبو ټول لګښتونه د افغانستان د فوټبال فدراسیون له بودیجې ورکول کېږي.
د افغانستان د فوټبال فدراسیون اعلان کړی چې دغه لوبې به د ۲۰۲۴ کال د فوټبال نړیوال جام له پیل مخکې د ملي فوټسال ملي لوبډلې د چمتووالي په موخه په لاره واچول شي.
د يادونې وړ ده، چې د هېواد د فوټسال ملي لوبډلې د لومړي ځل لپاره نړيوال جام ته لار پيدا کړه.
