د دید خبري آژانس د خبر له مخې، د تاجکستان ولسمشر او د اروپايي شورا رییس د افغانستان د امنیتي وضعیت په اړه د نظر تبادله وکړه.
د تاجکستان د ولسمشر مطبوعاتي دفتر اعلان کړی چې ولسمشر امام علي رحمان او د اروپايي شورا مشر چارلس میشل د تاجکستان او اروپايي ټولنې تر منځ د همکارۍ او د دوه اړخیزو ګټو په برخو کې د دې هېواد د پراختیا پر امکاناتو خبرې وکړې.
د سیاسي، سوداګریزو او اقتصادي همکاریو پراخول هم د بحث وړ موضوعاتو څخه ګڼل کیږي.
دواړو خواوو د افغانستان د حالاتو او د تاجکستان او افغانستان د پولو د پياوړتيا په ګډون پر امنيتي مسايلو هم خبرې وکړې.
رحمان د زرغون اقتصاد او زرغون انرژۍ د پالیسیو د تطبیق لپاره د ګډو فعالیتونو ملاتړ کړی دی.
