اسلایدشوروستي خبرونهسیاستمهم مطالبنړۍ
د اسرائیلي رژیم د جګپوړو پوځي چارواکو د استعفا یوه لویه څپه روانه ده
ډید خبري اژانس: د اسرائیلو د ۱۴ خبري چینل په یوه راپور کې د دغه رژیم د لوړ پوړو پوځي قوماندانانو او چارواکو د استعفاګانو د پراخې څپې په اړه اعلان وکړ.
موران کاتز د ډانیل هنګري د ټیم یو مهم غړی، د اسرائیلو د پوځ ویاند او د استخباراتو یوشمېر چارواکو د غزې د جګړې له امله خپلې استعفاوې اعلان کړې.
د دغه رژیم د پوځ د بهرنیو مطبوعاتو ویاند ریچارد هیچ هم په هغو کسانو کې دی چې استعفا یې کړې ده.
ویل کیږي چې د اسرائیلي رژیم د حکومت او پوځ تر منځ د جګړې د مدیریت او له جګړې وروسته د پلان پر سر ژور اختلافات موجود دي.
باید وویل شي چې د اکتوبر له اوومې راهیسې پر غزې د اسرائیلي رژیم په بریدونو کې د ۱۳۲۳۰ ماشومانو او ۸۸۶۰ ښځو په ګډون ۳۰۴۱۰ فلسطینیان وژل شوي او ۷۱۷۰۰ نور ټپیان شوي دي.
