د استرالیا د پوځ د جنګي جرمونو خبر ورکوونکی مجرم وپېژندل شو
د دید خبري آژانس د خبر له مخې، ډیویډ مک برایډ په افغانستان کې د اسټرالیايي پوځیانو د جنګي جرمونو په اړه د پټو معلوماتو په افشا کولو اعتراف کړی او مجرم ثابت شوی دی.
ډیویډ مک برایډ چې په افغانستان کې یې د استرالیا د پوځیانو له خوا د جنګي جرمونو د تورونو په افشا کولو کې مرسته کړې وه، د محرمو معلوماتو په افشا کولو اعتراف کړی دی.
ټاکل شوې ده چې مک برایډ به راتلونکی کال محاکمه شي.
د دغه راپور پر بنسټ، دغه پخوانی پوځي وکیل چې په لومړیو کې له پنځو تورونو سره مخامخ و، په درېیو جرمونو اعتراف کړی، چې په کې د ملګرو ملتونو له ګډو دولتونو څخه د معلوماتو غلا کول او خبریالانو ته یې سپارل شامل دي.
افشا شوي محرم اسناد د یو لړ راپورونو لامل شوي چې د استرالیا د ځانګړو ځواکونو سرتیرو په افغانستان کې جنګي جرمونه کړي دي.
وروسته پلټنو د ۲۰۰۵ او ۲۰۱۶ کلونو ترمنځ د ۳۹ افغانانو د وژلو او له دوو نورو سره د وحشیانه چلند په ګډون د ۲۳ ادعا شویو جنګي جرمونو په اړه کره معلومات په ډاګه کړل.
دغه راپور ښيي چې ۲۵ سرتېرو جرمونه کړي، ځینو یې په یوه قضیه کې او ځینو یې په څو پېښو کې نیولي دي.
