دید خبرې آژانس: د بريتانيا د سمندري سوداګرۍ د عملياتو ادارې نن سهار (شنبه، د سرطان ۳۰مه) اعلان وکړ چې د يمن په شمال لوېديځ عدن او المخا کې د يوې امنيتي پېښې د رامنځته کېدو په اړه يې دوه راپورونه ترلاسه کړي دي.
د برتانیا د سمندري سوداګرۍ د عملیاتو ادارې اعلان کړی چې د عدن په سویل لوېدیځ کې ۸۳ سمندري مایل کې د یوې امنیتي پېښې راپور یې ترلاسه کړی دی.
د دغه خبر له خپرېدو څو شېبې وروسته يادې ادارې اعلان وکړ چې د يمن د المخا شمال لوېديځ په ۶۴ سمندري کيلومترۍ کې د يوې پېښې د رامنځته کېدو په اړه يې بل راپور ترلاسه کړی دی.
د دغو راپورونو نور جزئیات او په نښه شوې کښتۍ لا تر اوسه په لاس کې نشته.
د یمن وسله والو ځواکونو اعلان وکړ چې پر غزې د صهیونیسټ رژیم د تیریو او د فلسطینی ملت پرضد د جنایتونو د بندیدو پورې به د صهیونیسټ رژیم د بیړیو او ګټو پرضد پوځي عملیاتو ته دوام ورکړي.
دا په داسې حال کې ده چې د جمعې په سهار رسنیو په تل ابیب کې د یوې سترې چاودنې خبر ورکړ او بیا یې اعلان وکړ چې دغه اسرائیلي ښار د ډرون برید هدف و. د دغه برید په پایله کې یو صهیونست وژل شوی او لږ تر لږه ۱۰ تنه نور ټپیان شوي دي.
