دفاع وزارت: امریکا دې د افغانستان الوتکې بېرته ورکړي
دید خبرې آژانس: د ا.ا د ملي دفاغ وزارت له ازبکستان څخه امریکا ته د افغانستان د هلیکوپټرو د انتقال په اړه خپرو شویو راپورنو ته په اشارې ویلي چې اسلامي امارت په دې اړوند اندېښمن دی.
یاد وزارت د یوې خبرپاڼې په خپرولو سره ویلي؛ څرنګه چې دا الوتکې د افغانستان ملکیت دي او د تېرې ادارې له لوري ازبکستان ته د تېښتې پر مهال انتقال شوې دي، باید بېرته افغانستان ته را انتقال کړل شي.
په خبرپاڼه کې همدارنګه ویل شوي، دا چې یادې الوتکې د هر دلیل له مخې امریکا ته انتقالېږي، موږ ته داسې کول د منلو نه دي، ځکه افغانان حق لري، چې د خپل حق غوښتنه او پوښتنه وکړي او ګاونډي هېوادونه هم باید د افغانانو حق ته درناوی ولري.
ملي دفاع وزارت په خبرپاڼه کې د امریکا متحده ایالتونو له حکومت څخه غوښتنه شوې، چې بېرته افغانستان ته د یادو ټولو الوتکو د را انتقالېدو په لاره کې خنډونه وانه چوي او بېرته یې افغانانو ته وسپاري.
