دید خبری آژانس د خبر له مخې: په لیبیا کې د سیلابونو د قربانیانو د شمیر له زیاتیدو سره چې اوس له ۵۳۰۰ څخه اوښتی دی، د درنی ښار چارواکی د ناروغۍ د مخنیوی لپاره د مړو د ژر ښخولو له کړکیچ سره مخامخ دی.
د درنه په ښار کې ژغورونکو د ډله ایزو قبرونو له جوړولو پرته د ناروغیو د خپریدو د مخنیوي بله لاره نه ده موندلې او په ورته وخت کې د لیبیا د ختیځ حکومت وايي چې سمندر هره شیبه بیړۍ ته نوي مړي راوړي.
په همدې حال کې سیمه ییز چارواکي د بشري مرستو غوښتنه کوي.
د درن ښار د یکشنبې په ورځ د سونامي په څیر سیلاب ځپلی و، وروسته له هغه چې طوفان ډینیل د ښار شاته بند مات کړ، چې ناڅاپه یې د ښار لویه برخه ډوبه کړه.
په همدې حال کې راپورونه ښیي چې د لیبیا په دې برخه کې لږ تر لږه لس زره کسان لادرکه دي چې ښايي تر خټو لاندې ښخ شوي وي او یا هم د سېلاب له امله راوتلي وي.
داسې ښکاري چې دانیل سمندري طوفان په دغه هیواد کې لږ تر لږه ۱۵۰۰۰ کسان وژلي او تر اوسه د ۵۰۰۰ څخه د زیاتو کسانو جسدونه موندل شوي دي.
