اسلایدشوامنیت و حوادثروستي خبرونهنړۍ
داعش په ایران کې د شاه چراغ پر زیارت د تروریستي برید مسوولیت په غاړه واخیست
دید خبری اژانس: له ایران څخه ترلاسه شوی راپورونه وایی چې ددغه هیواد په شیراز ولایت کښې د شاه چراغ زیارت یو ځل بیا د وسله والو ترهګرو لخوا په نښه شوی دی.
د ایراني رسنیو د راپورونو پر بنسټ، دغه برید پرون ماښام شاوخوا ۷ بجې شوی دی.
د معلوماتو له مخې په دغه برید کې ۲ تنه مړه او ۷ تنه نور ټپیان شول.
تر اوسه د دغه برید د مرګ ژوبلې کره شمېره نه ده په ډاګه شوې.
ایراني رسنیو ویلي، چې یو بریدګر هم نیول شوی دی.
د شاهچراغ پر مزار تېر کال هم د چارشنبې په ورځ برید شوی و، چې په پایله کې یې ۱۳ کسان وژل شوي او تر ۲۰ ډېر ټپیان شوي وو.
داعش ترهګرې ډلې د دغه برید مسولیت په غاړه اخیستی دی.
تېره میاشت ایران دوه هغه افغانان اعدام کړل چې په برید کې د لاس لرلو په تور نیول شوي وو.
