د دید خبري آژانس د خبر له مخې، د روسیې د وسله والو ځواکونو د اټومي، کیمیاوي او بیولوژیکي ساتنې د ځواکونو قومندان جنرال ایګور کریلوف ویلي: له دې مخکې هم څو ځله ویل شوي، چې د پنټاګون یوه دنده د «بیولوژیکي جاسوسۍ» په نامه یادېږي. يعنې د جيو پوليټيکي دښمنانو د پولو په اوږدو کې او د پوځي ځواکونو د ګمارنې په ساحو کې د وبا د وضعيت شننه.
هغه زیاته کړه چې روسیه داسې معلومات لري چې دا تاییدوي چې پنټاګون د چین، ترکیې، پاکستان او سعودي عربستان په پوله د عراق او افغانستان په سیمو کې د حیاتي وضعیت د څارنې لپاره دندې مشخصې کړي دي.
دغه جګپوړي روسي چارواکي ویلي دي چې دا اسناد د مشرتابه د پوستونو لپاره د پنټاګون د قراردادي کارکوونکو پر اړتیا ټینګار کوي، او دا کار باید سیمه ایزو کارپوهانو ته وسپارل شي چې د اړوندو وزارتونو سره د اړیکو وړتیا ولري.
ده همداراز وویل: په پنټاګون باندې د تورونو د لګولو د مخنیوي په خاطر، د امریکا د بهرنیو چارو د وزارت تر پوښښ لاندې ځینې پروژې پلې شوې. موږ غواړو ستاسو پام په افغانستان کې د امریکا د بهرنیو چارو وزارت څیړنیز پروګرام ته راواړوو: په دې پروګرام کې د خطرناکو او اقتصادي پلوه د مهمو ناروغیو لکه تولیمیا، انتراکس، د پښو او خولې ناروغۍ، د بیولوژیکي نمونو راټولول شامل دي. د افغانستان خاوره او متحده ایالاتو ته یې سپارل.
