تېر کال کې؛ دري میلیونه هېوادوالو برېښنايي پېژندپانې ترلاسه کړې دي
دید خبرې آژانس: د احصايي او مالوماتو ملي ادارې د تېر لمریز کال په ترڅ کې د نږدې ۳ میلیونه برېښنايي پېژندپاڼو د وېش خبر ورکړی دی.
سرچینې د یوې خبرپاڼې په خپرولو سره ویلي چې د احصایې او معلوماتو ملي ادارې په تېر ۱۴۰۳ کال کې هېوادوالو ته ۲ میلیونه ۶۳۴ زره ۶۰۰ برېښايي پېژندپاڼې وېشلې دي، چې له دې ډلې یې یو میلیون او نږدې ۹۳۰ زره نارینه او څه باندې ۷۰۵ زره پېژندپاڼې ښځینه وو ته وېشل شوې دي.
د خبرپاڼې د مالوماتو له مخې؛ تېر کال په کابل کې نږدې ۶۶۰ زره، په هرات کې څه باندې ۲۰۰ زره، په کندهار کې ۱۹۰ زره، په بلخ کې نږدې ۱۷۲ زره او په ننګرهار کې څه باندې ۱۱۷ زره برېښنايي پېژندپاڼې وېشل شوې دي.
د یادې ادارې د مالوماتو له مخې؛ د برېښايي پېژندپاڼو د وېش لړۍ له پیل څخه تراوسه ۱۵ میلیونه او څه باندې ۴۶۸ زره هېوادوالو ته برېښايي پېژندپاڼې وېشل شوې دي.
د یادونې وړ ده، چې اوس مهال د کابل په ګډون په ټول هېواد کې د اسان خدمت او برېښنايي پېژندپاڼو ۷۳ وېش څانګې او یو ګرځنده ټیم او په متحده عربي اماراتو کې د اسان خدمت یو مرکز فعال دی، چې هره ورځ ښځینه او نارینه غوښتونکو ته اړوند خدمتونه وړاندې کوي.
