دید خبري آژانس: د ترکمنستان د بهرنیو چارو وزارت په یوه غونډه کې له طا-لبانو وغوښتل، چې د اوبو له سرچینو څخه د استفادې په برخه کې له نړیوالو قوانینو سره سم عمل وکړي.
د ترکمنستان د بهرنیو چارو وزارت په یوه خبرپاڼه کې ویلي، چې په عشق اباد کې د طا-لبانو له یوه پلاوي سره د اوبو له سرچینو څخه د استفادې د څرنګوالي په اړه غونډه او بحثونه شوي دي.
په خبرپاڼه کې راغلي چې په دې غونډه کې د طا-لبانو له پلاوي وغوښتل شول چې د نړیوالو قوانینو پر بنسټ د افغانستان د اوبو له سرچینو څخه کار واخلي.
دا څرګندونې په داسې حال کې کېږي چې د تاجکستان، ترکمنستان او ازبکستان ولسمشرانو د روان کال په اسد میاشت کې په یوه بېړنۍ غونډه کې په افغانستان کې د «قوش تیپی» کانال د جوړېدو پر پایلو خبرې وکړې.
درې واړه هیوادونه د امو سیند په واسطه سره وصل دي، یو سیند چې د منځنۍ آسیا ډیره برخه د سویلي ګاونډي افغانستان سره هم په نښه کوي.
د لسیزو راهیسې منځنۍ اسیا د امو سیند اوبه د کرنیزو موخو لپاره کاروي. خو د لومړي ځل لپاره افغانستان پلان لري چې ورته کار وکړي.
