دید خبري آژانس: د بیلاروس ولسمشر د شانګهای د همکارۍ له سازمان څخه وغوښتل چې د اقتصاد پر ځای د سیمې امنیت ته پام وکړي.
د بیلاروس ولسمشر الکساندر لوکاشینکو پرون د شانګهای سازمان په سرمشریزه کې وویل چې دغه سازمان اوس اړ دی چې د اقتصاد پر ځای د سیمې امنیت ته پام وکړي.
لوکاشینکو: نن ورځ موږ د ټولو اصولو او انګیرنو د بشپړ ماتیدو شاهدان یو. نو د حیرانتیا خبره نه ده چې د شانګهای د همکارۍ سازمان باید د اقتصادي مسایلو پر ځای د سیمه ییز امنیت او ثبات په برخه کې ستونزو ته زیاته پاملرنه وکړي. لوکاشینکو زیاته کړه: مینسک په دوامداره توګه د جوړجاړي او حل لارو موندلو لپاره په مختلفو نړیوالو پلیټ فارمونو کار کوي.
بیلاروس په ۲۰۱۰ کې د شانګهای همکارۍ سازمان د خبرو اترو ملګری شو او په ۲۰۱۵ کې یې د څارونکي حیثیت ترلاسه کړ.
تمه کیږي چې د بیلاروس د ژمنو په اړه یو یادداشت د پرون په غونډه کې لاسلیک شي چې د هیواد د بشپړ غړیتوب پروسه به پیل کړي.
د سند مسوده د فبرورۍ په میاشت کې د بیلاروس د ولسمشر د فرمان له مخې تصویب شوه.
