بروس: کور ته د امریکایانو د ستنولو لپاره هڅه کوو
دید خبرې آژانس: د امریکا د بهرنیو چارو وزارت وايي، چې واشنګټن یوازې د امریکايي بندیانو پر ازادۍ تمرکز نهلري؛ بلکې د نړۍوال وضعیت د ښه کېدو په ګډون پراخ مسایل تعقیبوي.
د دغه وزارت ویانده ټمي بروس زیاتوي، چې د محمود شاه حبیبي او نورو امریکایي بندیانو د روغتیا په تړاو اندېښمن دي او هڅې روانې دي، چې هغوی بېرته امریکا ته را ستانه کړای شي.
د امریکا د بهرنیو چارو وزارت ویانده زیاتوي:«موږ د محمود شاه حبیبي او نورو امریکایانو د روغتیا په تړاو ژوره اندېښنه لرو، چې لا هم په افغانستان کې بندیان دي. موږ پرلهپسې هڅې کوو، څو امریکایان خپلو کورونو ته راستانه کړو.»
نوموړې دغه راز د لومړنیو خبرو د اسانتیا د برابرېدو او امریکا متحده ایالتونو ته د ګلېزمن د بېرته ستنولو په برخه کې د قطر او متحده عربي اماراتو له روله مننه وکړه.
ټمي بروس وايي:«موږ کور ته د جورج د بېرته ستنولو په برخه کې د قطر د دولت له ملاتړه مننه کوو او متحده عربي اماراتو هم د لومړنیو خبرو په اسانیتا کې رول ولوباوه.»
دا په داسې حال کې ده، چې کابل ته د امریکایي پلاوي له سفر وروسته، چې په ترکیب کې یې د افغان سولې لپاره د دغه هېواد پخوانی ځانګړی استازی زلمی خلیلزاد هم شامل و، اسلامي امارت جورج ګلېزمن د ښه نیت او بشردوستانه اقدام په توګه خوشې کړ.
