بدري: د کاني سرچینو په برخه کې بهرنیو پانګه والو ته ډېرې اسانتیاوې برابروو

دید خبرې آژانس: د اسلامی امارت کانونو او پټرولیم وزارت سرپرست ملا هدایت الله بدري، نن په کابل کې د چین له سفیر «ژاو شېنګ» سره کتلي دي.

د کانونو او پټرولیم وزارت په خپره شوې خبرپاڼه کې راغلي چې په دې کتنه کې ملا هدایت الله بدري ویلي دي: چین او افغانستان د سیاسي او اقتصادي اړیکو مخینه لري چې دواړه خواوې یې د پرمختګ او پیاوړتیا لپاره ژمن دي او موږ هڅه کوو د هېواد د کاني سرچینو په برخه کې بهرنیو پانګه والو ته ډېرې اسانتیاوې برابرې کړو.

‏د چین سفیر هم په خپلو خبرو کې ویلي چې چین او افغانستان دوه ښه ګاونډیان دي چې اوږدې او ښې اړیکې لري.

د کتنې په پای کې، دواړو لوريو د قشقري تېلو د څاګانو د استخراج او د عینک مسو کان د اکتشاف چارو د چټکتیا په اړه خبرې کړې دي.