دید خبرې آژانس: د مارچ اتمه، د ښځو له نړۍوالې ورځې هممهاله، اسلامي امارت د اسلامي احکامو په چوکاټ کې د ښځو د حقونو پر تامین ټینګار کړی دی.
د اسلامي امارت د ویاند په وینا، په اسلامي او لوېديځو ټولنو کې د ښځو د حقونو ترمنځ توپیرونه شته، چې باید له پامه ونه غورځول شي.
د اسلامي امارت د ویاند مرستیال حمدالله فطرت په یوه غږیز پيغام کې د ښځو د حقوقو په هکله ویلي:«د اسلامي شریعت او افغاني ټولنې کلتور او دودونو سره سم، د افغان مېرمنو ټول اساسي حقونه تامین شوي دي؛ خو باید هېره نهشي چې موږ د افغان مېرمنو حقوق په یوې اسلامي او افغاني ټولنه کې تر بحث لاندې لرو، چې له لوېدیځې ټولنې او د هغوی له کلتور سره ښکاره توپیرونه لري.»
د مارچ له اتمې، د ښځو د پیوستون له نړۍواله ورځ یا د ښځې له ورځ، په ټوله نړۍ کې د «ښځو د حقونو، برابرۍ او پیاوړتیا» له شعار سره په نړۍ کې ولمانځل شوه.
د ښځو د حقونو فعاله، تفسیر سیاهپوش طلوعنیوز ته وايي:«د اسلام په مبین دین کې هره ورځ د ښځو ورځ ده. څنګه چې موږ د مارچ اتمې ورځې په اړه پوهېږو، ځينو ښځو د شلمې پېړۍ په پیل کې د خپلو حقونو لپاره مبارزه وکړه، همداسې موږ افغان ښځې هم د خپلو حقونو لپاره مبارزه کوو. هیله ده چې دې ته پاملرنه وشي.»
بلخوا، د افغانستان پخواني ولسمشر حامد کرزي، د ملګرو ملتونو یو شمېر بنسټونو لکه یونسکو، د خوړو او کرنې سازمان او د ښځو نړۍوال سازمان او دغهراز د بښنې نړۍوال سازمان د افغان ښځو د حقونو پر ملاتړ ټینګار کړی.
د پخواني ولسمشر حامد کرزي دفتر په یوې خبرپاڼه کې ویلي:«حامد کرزی پر دې باور دی چې د افغانستان اوس او راتلونکی په ټولو برخو کې د نارینهوو تر څنګ د ښځو حضور او معنی لرونکي مشارکت ته اړتیا لري او ټینګار کوي، چې دې موخې ته د رسېدو لپاره لازمه ده، چې د ښځو د پرمختګ او رول لوبولو فرصتونه رامنځته او د هغوی د زدهکړو او تحصیل زمینه برابره شي.»
د امر بالمعروف او نهې عنالمنکر وزارت د اسلامي امارت مشر فرمان ته په نغوتې سره وايي، چې قومي مشران، مسوولان او دیني عالمان د مهر، میراث او په نکاح کې د رضایت په ګډون د ښځو د حقونو د خوندیتوب مسوولیت لري.
