دید خبرې آژانس: واشنګټن د اوکراین لپاره د ۳۰ ورځني اوربند وړاندیز کړی، چې د روسیې موافقې ته اړتیا لري؛ کرملین ویلي، چې دا وړاندیز به و ارزوي.
بلخوا، د امریکا ولسمشر ډونالډ ټرمپ ویلي چې له پوتین سره به په دې اړه خبرې وکړي، ترڅو د اوکراین جګړه پای ته ورسېږي.
د بریتانیا د بهرنیو چارو وزیر ټینګار کړی، چې اوس د روسیې وار دی او که مسکو سولې ته ژمنتیا و نه ښيي، نو لوېدیځ به بندیزونه پراخ کړي.
په همدې حال کې، د فرانسې ولسمشر ایمانویل مکرون د اوربند د وړاندیز هرکلی کړی.
