اوچا: د سپټمبر له نیمايي راهیسې له پاکستانه شاوخوا ۳۳۰ زره کسان افغانستان ته راستانه شوي

د دید خبري آژانس د خبر له مخې، د ملګرو ملتونو د بشري مرستو د همغږۍ دفتر اعلان کړی، چې د سپټمبر له نیمايي راهیسې یوازې له پاکستان څخه افغانستان ته ۳۲۷ زره کسان رسېدلي دي.

په افغانستان کې د ملګرو ملتونو د بشري مرستو د همغږۍ دفتر (OCHA) وايي، له سپټمبر میاشتې راهیسې ۳۲۷۴۰۰ بې اسناده کډوال افغانستان ته راستانه شوي دي.

اوچا په اکس کې په یوه خبرپاڼه کې وویل: «دا ناڅاپه راوتل د پخوا په کمزوري سرچینو باندې خورا ډیر فشار راوړي ، پشمول د سرپناه او لومړني خدمات».

په یوه ویډیو کې چې د اوچا له خوا خپره شوې، په افغانستان کې د ملګرو ملتونو د ماموریت (یوناما) د بشري چارو مرستیال ډینیل انډریس وايي: «نن زه په تورخم کې له پاکستان سره پر پوله یم او ګورم چې زرګونه افغانان له پاکستانه راستانه شوي دي».

هغه زیاته کړه چې «ډیری یې په بد وضعیت کې دي. دوی دلته د راتلو لپاره څو ورځې انتظار باسي، ما دلته له ډیرو راستنیدونکو سره خبرې کړي دي او ډیری یې په افغانستان کې کور نه لري».

د یوناما مرستیال د ژمي موسم ته په اشارې سره وویل چې «خلک دې ته اړتیا لري چې پر سرونو چت ولري».

د هغه په ​​وينا، يوه له ننګونو څخه دا ده، چې مرستندويه ادارو ټولې هغه خېمې، کمپلې او مرستندويه توکي چې په افغانستان کې يې د هرات د خونړۍ زلزلې په غبرګون کې درلودل، له کاره غورځولي او اوس يې د سمبالولو لپاره له يوې «لويې ننګونې» سره مخ دي. له پاکستان څخه راستانه شوي

په ورته وخت کې ملګرو ملتونو هم خبرداری ورکړی چې افغانستان د زرګونو شړل شویو کډوالو د جذب توان نه لري.