دید خبرې آژانس: د امریکا پخوانی ولسمشر بارک اوباما پر ډونالډ ټرمپ د شوي برید په غبرګون وايي:”زموږ په ډېموکراسۍ کې سیاسي تاوتریخوالي ته هېڅ ځای نه شته”.
نوموړي له خلکو غوښتي، چې ارام اوسي؛ ځکه تر اوسه دقیق معلومات نه شته، چې څه پېښ شوي دي.
هغه ویلي، چې د ارامتیا په حفظ سره په دې باید وپوهېږو چې پخوانی ولسمشر ډونالډ ټرمپ جدي نه دی ټپي شوی.
اوباما زیاته کړې، چې دی او مېرمن یې د ټرمپ د روغتیا دعا کوي.
پر ډونالډ ټرمپ پرون شنبه د امریکا په پېنسلوانیا ایالت کې په داسې مهال برید شوی، چې نوموړي خپلې ټاکنیزې غونډې ته وینا کوله.
