دید خبرې آژانس: امریکايي حکومت ادعا کړې چې د کلمبیا پوهنتون محصل او فلسطینپلوه لاریون کوونکي، محمود خلیل، د خپل ویزې په غوښتنلیک کې دا نه وه ښودلې چې د ملګرو ملتونو د فلسطینیانو د مرستو ادارې (UNRWA) لپاره یې کار کړی، او دا کار باید د ده د ایستلو لامل شي.
د رویټرز د راپور لمخې، د امریکا ولسمشر، ډانلډ ټرمپ د روانې مارچ په ۸مه محمود خلیل، چې په نیویارک پوهنتون کې د تېر کال د فلسطینپلوه لاریونونو یو پېژندل شوی شخصیت و، نیولی او لوېزیانا تهیې استولی، څو له امریکا و ایستل شي.
دغې قضیې د بیان ازادۍ ملاتړو پام ځان ته اړولی، ځکه د خلیل ملاتړي وايي، نوموړی یوازې د دې لپاره په نښه شوی چې د امریکا د اسراييل او د غزې د اشغال په اړه د پالیسیو مخالفت یې کړی.
امریکا ادعا کوي چې د خلیل حضور یا فعالیتونه د هېواد بهرنۍ پالیسۍ ته جدي پایلې لري.
انروا چې د ملګرو ملتونو د فلسطیني کډوالو د مرستو اداره ده، فلسطینیانو ته خواړه او روغتیایي خدمتونه برابروي او دغه اداره د غزې د جګړې په ترڅ کې د بحث یوه توده موضوع شوې.
