امریکاییان په پوځي یونیفورم کې نه منو
دید خبرې آژانس: د افغانستان د طا-لبانو حکومت د خارجه وزارت سرپرست امیر خان متقي د صهیونیسټي رژيم وحشي ډوله جنایتونو ته په اشارې سره په یولړڅرګندونو کې ووئیل، اسرائيلو یو غاصب او ظالم او جنایتکار رژيم دی.
امیر خان متقي د بی بی سي له پښتو څانګې سره په خبرو کې د فلسطین د مظلومو خلکو په وړاندې د صهیونیسټي رژيم جنایتونو ته په اشارې سره ووئیل، د فلسطین په موضوع کې داسلامی نړۍ نظر روښانه دی اسرائیل یو غاصب او ظالم رژيم دی.
هغه همداراز دې ته په اشارې سره چې له ټولو هیوادونو سره د سیاسی او اقتصادي اړیکو پراختیا غواړو ،ټينګار وکړ، امریکایانو ته مو د دوحې د خبرواترو په وخت هم وئیلي دي او اوس هم وایو چې مونږ یو امریکایی وګړی په پوځي یونیفارم کې نه شو منلی ،البته که د ډيپيلوماټ په یونیفارم کې راځي نو څه خبره نه ده.
د افغانستان د طا-لبانو د حکومت د خارجه وزارت سرپرست سره له دې چې د کابل ځيني چارواکي د امریکا د بندیزونو په لیست کې دي ، ومنله مونږ د بهرنیو سفرونو لپاره هیڅکله هم له امریکا اجازت نه دی اخستی.
امیر خان متقي زیاته کړې ده، په هغو درو کلونو کې چې د طا-لبانو دحکومت تیریږي، بهرنی سیاست مو د سیمې له هیوادونو سره د چورلیزي اقتصاد په چوکاټ کې او انډولیز دی، ځکه نه غواړو ، افغانستان له دې وروسته د نړۍ دقدرتونو د منفی سیالۍ میدان شي. او باید ووایو چې د افغانستان طا-لبانو هیڅکله هم د تحریک طا-لبان پاکستان(ټي ټي پي) له لمسونې څخه ملاتړ نه دی کړی ، مونږ له پاکستان سره په ملګرتیا کې خپل مسئولیّت ترسره کړی دی.
