د امنیت شورا غونډه؛
امريکا د طا-لبانو د لوري د بدلولو لپاره د شورا د غړو د فشار غوښتنه وکړه
دید خبری آژانس د خبر له مخې: امریکایی استازی د امنیت شورا له غړیو وغوښتل چې د طا-لبانو د « تخریبونکې » لارې د بدلولو لپاره پر هغوی فشار واچوی.
رابرټ ووډ د افغانستان په اړه د ملګرو ملتونو د امنیت شورا په غونډه کې وویل چې طا-لبانو د ۶۵ فرمانونو په صادرولو سره په افغاني ټولنه کې د ښځو د بشپړې ونډې د مخنیوي لپاره ګڼ فرمانونه صادر کړي دي.
هغه زیاته کړه چې د ښځو په وړاندې د طا-لبانو محدودیتونه په بشپړه توګه د نه منلو وړ دي.
رابرټ ووډ: موږ پر طا-لبانو غږ کوو چې دا محدودیتونه لیرې کړي او ښځو او نجونو ته داسې تعلیم ته د لاسرسي اجازه ورکړي چې دوی په ټولنه کې په بشپړه، مساوي او معنی توګه برخه واخلي.
امریکايي استازي دا هم ویلي، چې طا-لبانو د مرستندویه ادارو لپاره ستونزمن عملیاتي چاپیریال رامنځته کړی دی.
رابرټ ووډ: موږ اوس هم له طا-لبانو تمه لرو چې بشردوستانه مرستو ته بې له خنډه د لاسرسي اجازه ورکړي او د بشري اصولو سره سم د مرستو جریان.
هغه د ملګرو ملتونو راپور ته په اشارې سره د بشري حقونو سرغړونې د نه منلو وړ وبللې.
امریکايي استازي ویلي چې د امنیت شورا غړي باید پر طا-لبانو د فشار راوړلو لپاره په ګډه کار ته دوام ورکړي څو دغه ډله خپله ویجاړونکې لاره بدله کړي.
هغه وویل، «په حقیقت کې، شورا باید پر طا-لبانو فشار راوړي چې له افغان ولس سره په جدي خبرو کې د هغوی د ملاتړ لپاره، د بشري حقونو د سرغړونو د پای ته رسولو او اړمنو ته د مرستې اجازه ورکړي».
دا په داسې حال کې ده چې امریکا په افغانستان کې له شل کلن حضور او د ښځو د حقونو په برخه کې له کار کولو وروسته دغه هېواد پرېښود او افغانستان یې طا-لبانو ته پرېښود.
