افغانستانروستي خبرونهسیمه
افغان سرتېري به درملنې ته هند ته لېږدول کېږي
تاند- هند د افغانستان له کورنیو چارو وزارت سره موافقه کړې چې په جګړه کې ټپي شوي افغان پولیس به د هند په روغتونونو کې تداوي کوي.
د دې موافقې پر اساس ټاکل شوې ده چې افغان سرتېري د هند په یوه ښه روغتون کې تداوي شي.
د افغانستان د کورنیو چارو وزارت وايي چې د هند (مترو) روغتون به، چې د هندوستان یو ستر روغتون دی، افغان سرتېري درمل کوي.
په وروستیو کې د افغانستان د عامې روغتیا وزارت یو پلاوی هند ته تللی و او په دې اړه یې له هندی چارواکو سره خبرې کړې وې.
