دید خبرې آژانس: د اسلامی امارت د بهرنیو چارو وزارت ویلي چې دوه ورځ وروسته به په افغانستان کې د ناروې سفارت خپل فعالیت بېرته پیل کړي.
یاد وزارت د یوې خبرپاڼې په خپرولو سره ویلي د ناروې په پلازمېنه په اوسلو کې د افغانستان سفارت د ۱۴۰۴لمریز کال د وري له څلورمې نېټې څخه، چې د ۲۰۲۵م کال د مارچ له ۲۴مې سره سمون لري، قونسلي خدمتونه بيا پيلوي.
په خبرپاڼه کې په یاد هېواد کې د قونسلي خدمتونو بیا پیل کېدل مثبت ګام بلل شوی دی.
دا په داسې حال کې ده، چې د اسلامي امارت چارواکو تر دې وړاندې ویلي وو، چې له نړۍ سره یې سیاسي اړیکې ورځ تر بلې د ښه کېدو په حال کې دي او په نږدې راتلونکي کې به هېوادوال په دې برخه کې د پرمختګ شاهدان واوسي.
